DAXUYANÎYA DAWÎ ya Kongreya Giştî ya Tevgera Azadî ya Kurdistanî li Sûriyê

February 10, 2025Last Updated: February 19, 2025

146 5 minutes read

Tevgera Azadî ya Kurdistaî li Sûriyê di 07. Sibata 2025ê de, bi amadebûn û beşdariya nûnerên bazne û encûmenên rêxistinî yên Tevgerê ji navçeyên curbicur ên Kurdistana Sûriyê û herwiha ji Herêma Kurdistana Iraqê, Tirkiye, Lubnan û welatên cuda yên Ewropayê, kongireya xwe ya giştî ya sêzdem li bajarê Kobaniyê, di bin duruşmên jêrîn de lidarxist:

-Avakirina dewleteke federal, piralî, demokratîk.

-Danpêdana destûrî bi nasnameya neteweyî ya gelê Kurd li Sûriyê.

-Redkirina qiseya nefretê û parastina aştiya sivîl.

-Bidestxistina lêvegereke neteweyî kurdî berfireh, a ku nûnertiya tevahiya erdnîgariya Kurdistana Sûriyê dike.

-Rawestandina şer li tevahiya rûbera Sûriyê, tevî êrîşên ku deverên me armanc dikin.

Rûniştina destpêkirinê bi amadebûna hejmareke mezin ji aliyên siyasî, civakî û medyayî, bi beşdariya nûnerên gellek partiyên kurdî û kesayetiyên civaka lokal û kesayetîne ji bijarteyên deverê lidarket, û bi xulekek bêdengî ji bo canên pak ên ku xwe ji bo azadîyê feda kirine, û bi sirûda netewî “ey reqîb” destpêkir, paşê gellekan ji wan gotarên binirx pêşkêşkirin, ên ku pêşwazî li lidarxistina Kongireyê kir, ku li ser xaka welêt û li bajarê Kobanîyê lidarket, bi watedana simbolîyê ne tenê li ser asta niştimanî lê li ser asta cîhanî jî wek keliha li ser sûrên wê berî deh salan hovtirîn rêxistina terorîst di ruhê cîhanê de têkçû. Herweha gotaran pesna rola ku Tevger li ser herdu astên neteweyî û niştimanî dilîze kir, li gel tekezkirina li ser erkên li pêş wê, û di destpêkê de karê ji bo yekkirina şemla kurdî û pêçana li dor lêvegereke ku nûnertîya kurdan bike û nasname û mafên wan wek pêkheteyek nîştimanî bingehîn di qûnaxa veguhêz de ya ku Sûrya dibîne, biparêze. Berî wê jî gotara serokê Tevgerê bû, a ku bixêrhatina mêhvan û nûneran kir, û tekezî li ser pêwîstiya bihêzkirina rêza kurdî û yekkirina helwesta xwe di rûbirûbûna astengiyên heyî de û xweamadekirina ji hegerên curbicur re, ên dibe ku li qada herêmî bi giştî û qada Sûriyê bi taybetî biqewimin, kir.

Piştî bidawîhatina merasîma destpêkirinê, mêvanên birêz hatin malavakirin û endamên Kongreya Giştî karên mayî yên ajindeya wê ji nû ve domandin, û komîteyek ji bo birêvebirina Kongreyê hate hilbijartin, paşê amadebûna nûnerên hemî bazneyan û temambûna rêjeya yasayî hate piştrasrkirin. Û piştî gotareke kurt ji aliyê serokê tevgerê ve, encamên kongreyên bazneyan û hilbijartinên tê de bûn ku Encumena Navendî ya Tevgerê wek encam hat sazkirin, hatin pesendkirin, piştre herdu belgenameyên peyrewa navxwe û bernameya siyasî, yên ku ji aliyê komîteya amadekar ve hatibûn pêşniyarkirin, hatin gotûbêjkirin û pesendkirin, herweha biryar hat dayin ku navê tevgerê ji “Tevgera Avakirina Demokratî Kurdistanî – Sûrya” bo “Tevgera Azadîya Kurdistanî li Sûryê” were guhertin, wek dirêjahiya xebata ku Partîya Azadî ya kurdî li Sûryê kiribû.

Di biwarê siyasî de, Kongireya Giştî gellek mijarên girîng ên ku ji bo gelê Kurd li Sûriyê û ji bo herêmê bi giştî girîng in gotûbêjkirin, û bal kişand ser girîngîya xurtkirina yekîtîya niştimanî û hevkarîya di navbera hemû pêkhateyên civaka sûrî de ji bo bidestxistina aştî û aramiyê. Kongireya Giştî li ser bûyerên ku herêm tê re derbasdibe û veguheztinên bingehîn ên ku Sûrya dibîne sekinî, ku rûxîna rêjîma Beis û dîktatoriya Esed xaleke ronîdar bû di dîroka Sûriyê de, ya ku dehsalên dirêj ji zilm û stemkariyê dît, ku ti kes û komên sûrî jê bêziyan nemane, ne jî welatên cîran li herêmê ji metirsî û destwerdanên wê yên wêranker bêziyan mane. Loma rûxîna wê ji bo hemû sûrÎyan û ji bo welatên herêmê û cîhanê bi giştî bû jêdereke hêvîyê, ji ber girîngiya cîgehê Sûryê yê jeopolîtîk ê herêmî û navdewletî, hewlên niştimanî ligel hewlên herêmî û navdewletî hevdem bûn ji bo derbaskirina Sûriyê bo qonaxeke nû li ser bingeha aştîya navxweyî û pêdawîstîyên wê yên ku Sûryê vediguhêze dewletek federal, piralî û demokratîk, ku ewlekarîya hevwelatîyên xwe û mafên merivî diparêze, û herweha ewlekarîya herêmî bi berjewendîyên wê yên têkel ku sûrî nikanin paşguh bikin an xwe di ser re biavêjin. Kongreyê cextî li ser karkirina ji bo xurtkirina peywendîyan bi hêzên sûrî yên demokratîk re û avakirina hevkariyeke rasteqîn bi wan re kir, ji bo misogerkirina çareseriyeke siyasî ya dadmend û berfireh ji kirîza sûrî re, ku daxwazên hemû sûrîyan pêkbihîne, destwerdanên leşkerî yên herêmî di karûbarên Sûriyê de red bike, rêzê li serwerîya Sûryê bigire, û garantîya mafên hemû pêkhateyan bike, li gorî destûrekî ku sûrî çêdikin û rêkevtina niştimanî ya ku mafên hemûyan misogerdike, bêyî ciyawazî û bêyî guhdana ciyawaziyên neteweyî, zimanî, îsnî, ayînî, mezhebî, an taîfî, û herweha cudakirina ayînê ji dewletê û cudakirina desthelatan û wekhevîya di navbera herdu regezan de û garantîya komelayetî.

Kongreya giştî bi taybetî karûbarê neteweyî kurdî li Sûriyê gotûbêj kir, tekezî li ser prensîpên bingehîn ên Tevgerê û pabendbûna wê bi xebata aştiyane û demokratîk ji bo bidestxistina mafên rewa yên neteweyî yên gelê kurd li Sûriyê, di çarçoveya dewleteke demokratîk û piralî de ku rêzê li mafên hemû pêkhateyên xwe digire, kir, û tekezî li ser giringiya diyalog û hevkariya bi hemû aliyan re ji bo bidestxistina paşerojek baştir ji gelê kurd û hemû sûrîyan re kir, û banga sixkirina hewldanên ji bo yekkirina rêza kurdî û xurtkirina hevahengiyê di navbera hêzên siyasî yên kurdî de li ser bingehên hevbeş, dûr ji berjewendiyên teng û rakêşanên herêmî, kir, û wesîyetnameya pêwîstiya xurtkirina hewlên li ser asta navdewletî ji bo ravekirina êş û azarên gelê kurd li Sûriyê, û bidestxistina piştevaniya zêdetir ji bo doza wî ya dadmend, û şopandina dosyaya girtiyan û windayan û karkirina bi rêxistinên navdewletî re ji bo eşkerekirina çarenûsa wan û riswakirina binpêkirinên di derheqên wan de kir.

Kongreyê rola girîng a serok Mesûd Barzanî di nêzîkkirina nêrînan û yekkirina rêza kurdî de bilind nirxand, herwiha rola girîng a Fermandarê Hêzên Sûriyeya Demokratîk birêz Mezlûm Ebdî di vî warî de bilind nirxand, û tekezî li ser pêwîstiya berdewamkirina van hewlan û bersivdana hemû aliyên pêwendîdar ji wan re kir, ji bo bidestxistina lêvegereke kurdî ku bibe jêdera destxistina nûneratiya siyasî ya kurdî û biryara siyasî ya kurdî sûrî serbixwe, dûrî jêrdestî û sepandinên kîjan alî dibe.

Beşdaran êrîşên li ser deverên me, bi taybetî li ser eniya Qere Qozaqê û bendava Tişrîn ya jiyanî ku di bin gefa hilweşînê û metirsîyên felaket ên ku dibe li ser asta merivî werin encamdan şermezar kir, û piştgiriya xwe ji bo parêzvanên van deveran anî ziman û tekezî li ser pêwîstiya parastina deverê ji her cure êrîşan kir, û herwiha pêwîst e hêzên çekdar ji herêmên Efrîn, Serêkaniyê û Grêspî derkevin da ku koçberên wan vegerin cîwarên xwe û rewşa trajîk li wan deveran bi dawî bibe, sebaret bi tawan û binpêkirinên mafên merivî ji aliyê wan grûpan ve.

Di dawîya karên xwe de, kongreyê spasiyên zor pêşkêşî partî, kesayetî û hemû mêvanan dike, ku bersiva vexwendina me ji bo beşdarbûna rûniştina destpêkirina wê dan, nemaze wan gotarên ku naveroka wê dewlemendtir kir û bûn handerek ji bo serkeftina wê, herwiha spasiya rêveberiya deverê û karmendên wê yên asayîşê dike ku parastina cihê kongreyê û ewlehiya amadebûyan kir.

Herwiha Kongre ji nû de soza xwe ya berdewamkirina xebatê dide, heya bidestxistina azadî û dadmendiyê ji bo gelê me, û bang li hemû endam û alîgirên xwe dike ku rêzan xurtbikin û mil bi mil di ruhê pirsgirêkên heyî de bisekinin, di xizmeta doza kurdî û Sûriyeke azad û demokratîk de.

Şikomendî û nemirî ji bo şehîdên azadîyê
Û serkeftin ji bo doza me ya dadmend

Kobanî, 9. Sibata 2025

Encûmena Navendî ya
Tevgera Azadîya Kurdistanî li Sûriyê

February 10, 2025Last Updated: February 19, 2025

146 5 minutes read

DAXUYANÎYA DAWÎ ya Kongreya Giştî ya Tevgera Azadî ya Kurdistanî li Sûriyê

DAXUYANÎYA DAWÎ ya Kongreya Giştî ya Tevgera Azadî ya Kurdistanî li Sûriyê

Pîrozbahî

Bangek ji bo ahinga Newrozê ya li bajarê Kolnê

Pîrozbahî

Bangek ji bo ahinga Newrozê ya li bajarê Kolnê

Related Articles

Bangek ji bo ahinga Newrozê ya li bajarê Kolnê

Pîrozbahî

Bi boneya 77 salîya şehîdbûna Pêşewa Qazî Muhemed

Şandeyek ji Tevgera Avakirina Demoqratî Kurdistanî di komcivîna rêxistina derve ya PSK de beşdar dibe

DAXUYANÎYA DAWÎ ya Kongreya Giştî ya Tevgera Azadî ya Kurdistanî li Sûriyê

Pîrozbahî

Bangek ji bo ahinga Newrozê ya li bajarê Kolnê