PÎROZBAHÎNAME
Bi boneya 80’emîn salvegera damezrandina Partiya Demokrat a Kurdistanê – Îraq a bira, û bi boneya salvegera jidayikbûna Serok Mesûd Barzanî, em wekî Tevgera Azadî ya Kurdistanî li Sûriyê, pîrozbahiyên xwe yên herî germ û spasnameyên xwe yên herî xweş ji rêberiya partiya bira, kadro, endam û alîgirên wê re, herwiha ji Serok Mesûd Barzanî, malbata wî û hemû hezkiriyên wî re pêşkêş dikin.
Derbasbûna heşt dehsalan ji damezrandina Partiya Demokrat a Kurdistanê, qonaxeke dîrokî û girîng di rêça têkoşîna neteweyî û demokratîk a gelê Kurd li Kurdistana Iraqê de ye. Partiyê di vî parçeyê hêja yê Kurdistanê de ji bo parastina mafên gelê Kurd, bi fedakariyên mezin û têkoşînên bêrawestan, û ji bo xurtkirina hebûna siyasî, neteweyî û niştimanî ya gelê Kurd, herwiha ji bo pêşxistina nirxên demokrasî, azadî û dadmendiyê, roleke girîng lîstiye.
Herwiha em vê derfetê bi kar dihînin da ku pîrozbahiyên xwe yên herî germ ji Serok Mesûd Barzanî re pêşkêş bikin, û ji bo wî tenduristî û saxlemiyeke baş, û di xizmeta doza gelê xwe de serkeftin û serfiraziyeke domdar dixwazin. Em hêvî dikin ku ew di vê qonaxa hestiyar de, a ku herêm tê re derbas dibe, rola xwe ya neteweyî û niştimanî bidomîne; bi awayekî ku yekrêziya rêza Kurdî xurt bike û piştgiriyê bide hêviyên gelên herêmê ji bo azadî, aşîtî û aramiyê.
Em wek Tevgera Azadî ya Kurdistanê li Sûriyê, ji bo têkiliyên biratî yên ku me bi Partiya Demokrat a Kurdistanê ve girêdidin, nirxekî bilind dinirxînin û em piştrast dikin ku em ê karê hevbeş bidomînin û pirên ragihandin û hevahengiyê di navbera me û hemû hêzên siyasî yên Kurdistanî de xurtir bikin, bi awayekî ku berjewendiyên bilind ên gelê me yê Kurd û dozên wî yên rewa li hemû beşên Kurdistanê xizmet bike.
Di vê boneya pîroz û mezin de, em ji Partiya Demokrat a Kurdistanê ya bira re pêşketin û serkeftinên zêdetir, ji Serok Mesûd Barzanî re tenduristî û saxlemiya domdar, û ji gelê me yê Kurd re bidestxistina maf û destkeftiyên zêdetir, xurtkirina yekîtî û hevgirtina xwe dixwazin.
16’ê Tebaxa 2026
Desteya Cîbicîkar
a Tevgera Azadî ya Kurdistanî li Sûriyê
